nuri suleiman
عضو ذو حضور
 الجنس : 
 العمر : 32
 البلد : 
 تاريخ التسجيل : 20/04/2013
 عدد المساهمات : 82
 نقاط النشاط : 21304
 التقييم : 0
 أوسمة العضو : 
 | | موضوع: السيرة الثالثة ( نحربو ونخربو ونبراوى ) الأربعاء مايو 15, 2013 3:27 pm | |
|
حبيبة قلبى بهية
المنسية...ازيك يا بهية
حبيب قلبى يا واد عامل ايه
وايه اخبار فنك بقى زى شعر صدرك ولا فرع وبقى ليه فروع فى مدن كتير
تؤتؤتؤ ايه يا بهية ده
موضة وكمان نجم الجيل تامر حسنى عاملها بس ايه مووووز ولا مهند يا نهار بوس ...
تامر ومهند ولا منتا جايبها
لبر..اقعد اقعد شكله يوم زى شعر صدرك...
هههههههه ايه يا بهية
متبقى كوول زى المرة اللى فاتت
كووول على وشك واحترم نفسك
يا واد..هههههه دنتا فقرى صحيح
قولى صحيح لما روحت اخر
مرة الكرنب عمل معاك ايه
متفكرنيش يا بهية ده كان
يوم مش قادر اقولك على اد منا اكلت زى التور اقصد زى الجاموسة اقصد زى الغول على
اد مده كله طلع عليا بالليل..حرام عليكى يا بهية يا مفترية..3 ساعات ونص فى الحمام
..ليه ده حرام..شكلك كنتى حطة حاجة فى الاكل يا بهية..مش بقولك بهية المفترية
وحكايتها المنسية
ده جزاتى اللى عملتلك اكلة
امك ذات نفسها متعرفش تعملها دنا حتى كنت حطالك زيت خروع
نعم .زيت خروع..بهية انا
لسه فى اول اليوم..ولسه مهيستش
زيت خروع ايه اللى تحطيه
فى المحشى
مش علشان يهضم الاكلة
المتينة ده وتعرف تمشى ..هو انت كنت فاكر لو كنت اكلتها من غير زيت الخروع كنت
قومت من مكانك
وانا بقول مالى عرقان كده
ليه وانا مروح اتارينى كنت عاملها على روحى...ماشى يا بهية مردودالك فى قصة..ماشى
ماشى بيعرج وحياتك وبقالو
يومين عاجز
هو مين ده...
الكتكوت
كركركركركركركر
هههه بايخة
هههههههه لا مش بايخة ده
شايفة وعارفه هههههههه
ايه اللى بتقوليه ده انتى
بتقولى اى كلام وخلاص..شكلك فايقة اوى..على العموم لولة القصة و........ ايه
الروايح الجميلة ده يا بهية....
ده روايح الكوارع يا قلبى
وانت الصادق
امممم شكلها كده هتبقى
ناار الليلادى على رأى جبل الجيل قصدى هضبة الجيل..يانار يانار...روحى يلا يا بهية
حضريلى صنيطين كوارع بس ايه زى مقال لقمان فى التذكرة
من عينيا وحياة عينيا
لا من الصنية ههههههههههه
الله منتا دخلت فى الموود
... ثوانى اروح احضرلك الأكل
ماشى.......الهى يسختك
كتكوت يا قادر يا كريم الهى يجبلك زهيمر القرود وكساح الخدود يا بهية يابنت
قرئود
بتقول حاجة يا رامى
ابدا يا بهية دنا بقول
الهى يكرمك يا بهية يا بنت حرفوش
اممممم طب بطل كلام واسكت
اعبال مجبلك الاكل
اتفضل يا واد حبة كوارع بس
ايه عجب ده احتمال تزرع رجل جديدة
حلو اهو تبقى استبن...انما
قوليلى يا بهية ايه القصة الجديدة اللى انتى مقولتليش عليها شكلها جامدة موت...
اسمع ياسيدى...
ها قولى
اسمها الاول.....نحربو
و نخربو و نبراوى
نعم هو دعايا لحق استجاب
بسرعة ده..نحربو ايه ونخربو ايه ونبور ولا نبراوى ده ايه
متغلطش دول مشالله اكبر3
شخصيات هزؤ فى التاريخ الانسانى كله
ماشالله ونعم الشخصيات كملى
يابهية شكلها ليلة سودة على دماغك
بس يا واد اسمع خالتك..
اتفضلى يا كبيرة...
نحربو ونخربو
ونبراوى دول 3 شخصيات من اغرب شخصيات التاريخ..كانوا موجودين فى زمن العهد الملكى
ايام محمد على وكانوا دايما موراهمش غير اذية الناس ولما ماتو طلع على كل واحد
صفتة اللى هى نحربو و نخربو ونبراوى
طب ايه معنى الكلام ده يا
بهية ..
منا هقولك اهو ....نحربو
كان مساعد مقاول اد الدنيا وبعلاقاته قدر يكون وسط الشخصيات الملكية ووجوده بالقرب
من بلاط الحكم و من الشخصيات الملكية
خلاهم كلهم على الحديدة..ازاى بقى؟ اسمع ياسيدى
ها
كان كل ميشتغل عند شخصية
مهمة يفضل يتمحسله ويداديه لحد مالشخصية ده تأمنله وتمسكله حاجة زى مدير الاعمال
وفى يوم جت صفقة كبيرة اوى وبدل م(نحربو ) يخلصها ويتمها لصالح سيده
..لآ راح اتفق مع الناس وقالهم على مشترى تانى افضل وبسعر كويس فوافقه
مقابل عمولة على ده ..ليه بقى لان لو سيده عرف بالصفقة ديا هيديله مرتبه المعروف
لكن نحربو كان باصص لبعيد انه يكون مشروع كبير هو واصدقائه الزبالة.....بس
طب و( نخربو ) يا
خالة...ده بقى حكايته ايه
اسمع ياسيدى...نخربه ده
نفس فصيلة ( نحربهو )بس زايد على كده انه متهور او زى مبيقولو جحش فى تصرفاته
او بقرة نطاحى حاجة كده يعنى....المهم...وصل لمرتبه عالية اوى عند شخصية من
الشخصيات الملكية وطبعا ده عن طريق خدامين الملك واشتغل فى البداية خدام وشافه
الملك وعينه مشرف ونظير على مزارعه ومشاريعه..وفى يوم ..اتفق مع مجموعة تجار
هيشترو محصول سيده وطبعا ده لو انت فاكر يا رامى دول الناس الى اتفق معاهم نحربو..ركز...
ها
اه مركز انا يا خالة
تمام كويس...وبعدين اتفق
فعلا مع التجار وباعلهم المحصول كله وطبعا التجار كانوا مبسوطين جدا
ومستغربين لان الشخصية الملكية ده عمرها متعاملت معاهم..
استنى يا خالة طب ازاى
الشخصية الملكية ده وافقت..
منتا لو كنت سبتنى اكمل
كنت هقولك ازاى....؟..طبعا الشخصية الملكية ده كانت عاملة حاجة زى توكيل عام
لنخربو لادارة كل حاجة فى غيابة وهو مسافر وبالفعل تم البيع..ورجع سيده لاقاه باع
المحصول كله..ففرح اوى سيده بده...لكن لما عرف باسماء التجار شتم نخربو ولعن
سلسفين اهله لان التجار دول محذورين من تداولهم فى سوق التجار وكمان اى حد
يتعامل معاهم هيبقى شبهة هو كمان.....ده غير التعاقد مع مزرعة الراجل اللى
كان شغال عنده نحربو..ده بقى كانت شخصية ملكية لكن حاميته انجليزية وطبعا بعد كل
ده....اهل الشخصية الملكية ده قطعت صلتهم بيه خالص لانه اتعامل مع شخصية ملكية
بحماية فرنسية وكمان اتعامل مع تجار سوق سودة ومخدرات ده غير قوانين العمل التجارى
اللى اصدرت حكم بوقف نشاط هذه الشخصية لمدة 5 سنوات......وطبعا الاسم طلع
وبقى نخربو..جه يصلح لاميره او سيده خربها ده غير انه كان عاوز يطلع مصلحة لكن
اطرد واتهان........
طب ونبراوى يا خالة حكايته
ايه ده....
اسمع يا سيدى... نبراوى ده
حكايته غريبة كل ميجى يمسك شغلانة نشاط المحل اللى شغال فيه يوقف وكل ميجى يشتغل
فى اى مكان يحصل مشكلة جامدة وتتوقف المصلحة..وفى يوم اجتمع هو ونحربو
ونخربو وقررو كل واحد يشتغل فى مجال مختلف ويقرب من سيده ونبراوى يتفق مع
التجار..وعلشان نبراوى متأكد انه لو هو اشتغل هيترفد فقرر هو يكون المتفق معاهم
لما يمسكو مصالح اسيادهم ..اتفق الاول مع تجار السوق السودة وراحو لنخربو
وزى منتا عارف طلع منهم بمصالح جامدة من المخدرات من الباطن...ومن نخربو
وداهم لنحربو والتجار اشترو المحصول اللى اكيد سرقها من الامير اللى شغال عندو
واتفقو مع نخربو وخد الفلوس خلاه فى بيت سيده...وفى يوم كان نبراوى عند نحربو
فى بيت سيده وقاله (شوفتو خططى ..عمرها متقع الارض اديكم اهو كل واحد طلع بمبلغ
كبير ..ايوة كده خلينا نكبر بقى..تلاقى دلوقتى نخربو بيعد الفلوس وهايص وانت
غرقات فى السمسرة اللى بجبهالك لحد عندك وانتو تظبطوها مع بعض ..اد ايه انا
عظيم.........)
وسبحان الله يا رامى
نخربو اترفد يا عينى علشان اتفق مع ناس كل الامراء ممنوع تداول التجارة
معاهم ده غير جهله بشريعة التجارة والبيت ولع فاجأة وجرى نبراوى ونحربو وبص نحربو
لنبراوى وقاله ( مفيش فايدة فيك... نبراوى هو نبراوى ....) وجتلهم حالة هستيريا
وراحو ال3 اتجمعوا فى مكانهم بعد مبقو على الحديدة من تانى وزى مهما فى نفس المكان
اللى خططوا فيه اللعبة الدنيئة ده لكن سبحان يا رامى نبراوى بلسانة بيخلى الحياة
الوان.......بس
الله يا خالة بهية القصة
ده جميلة فحت
نعم فحت فحت ايه
اه ده فحت وردم
كمان..هههههههههه بس بجد قصة جميلة اوووووووى
والأكل
لا الاكل روعة روعة..اموت
انا واعيد السنة
اقوم انا اغسل ايديا
بقولك يا خالة معندكيش عروسة
ليا لمدة يوم
ليه بقى... واشمعنى يوم
واحد
مش اكلت كوارع وفتة منتى
فاهمة...
اه يا زبالة يا واطى
وحياتك لأقول امك يبتاع البنات
هههههههههه خلاص بهزر من
غير رفع شباشب هههههههههههه
بس بجد يا خالة قصة
انهاردة جامدة مووت
بجد عجبنك....
جداااا
بكره بقى قصة اجمد واكلة
جامدة
ايوة كده يا بهية خشى عليا
بالتقيل...بص شوف بهية بتعمل ايه..بص شوف بهية بتعمل ايه....
خلاص يا واد اسكت
بقى هههههههه
ماشى يابهية بكره فى
ميعادنا اوك..باى
وانت بالصحة والسلامة يا
حبيبى
هههههههه سلام يا بهية
ايوة كده علشان افهمك
سلام.............. | |
|
