السيرة الأولى ( بهية والقولل )

أولا لا تأخذو الرواية الأتية بعين ضعفى فى الاسلوب لأنها تنتمى لأنظمة السير الشعبية الروائية وهى التى تكون فى شكل رواية بالأسلوب العامى ومدمجة بالحوار الشعبى فأتمنى أن تضعو هذا فى الحسبان وأتمنى ان تستمتعو بكل حرف فيها.....نورى




قعدت بهية على البسطة متهنية وفرشة حصيرة وحطت جنبها قلتين مية
عديت عليها وقولت السلام عليكم
قالت عليكم السلام
قولتلها ايه اللى انت عملاه ده يا بهية
قالتلى مالى عاملة ايه منا طبيعية اهو
قولتلها طبيعية ازاى..؟ امال ايه ال..قلتين دول وبيعملو ايه جنبك
قالتلى انت متعرفش حكايتهم ايه دول
قولتلها وانا اعرف منين هو انا القدر ولا واحد دجال
قالتلى طب بطل مناهدة يا واد واقعد جنبى واحكيلك
قولتلها لا اعفينى يا بهية اصلى ورايا كتابة القصة الجديدة ده غير القصيدة اللى بكتب عناويها
قالتلى قصيدة ايه يا بنى اقعد وانا هقولك حكاية لو اتكتبت تنفع عناوين ومجلدات كبيرة اوى....
بصراحة فكرت فى كلامها وقولت حكاية ايه ده اللى تتكتب فى عناوين ومن مين من بهية
قالتلى متفكرش اقعد اقعد
قعدت وخد راحتى ولاقتها صبتلى شاى
قولتلها شاى ايه يا بهية دلوقتى قولى الحكاية انا ورايا مليون رواية

بصتلى اوى مليون حكاية ايه يا واد ولا قصدك تقول مليون بنت تجرى وراها وتكلمها على الشات

قولتلها بنت ايه يا بهية هو انا فاضى للكلام ده

بصتلى اوى ماشى يا يا بروفيسير اسمعنى بقى وركز

احكى يا بهية ...

حكايتى هى حكاية القولة..ليها معانى كتير وليها سطور وانا صغيرة كنت بنت بضفاير بعلق همومى فى نسيانها وبمسك القولة واشرب منها وارمى حبة منها على الارض


ترمى ايه يا بهية شكلك كده هتخرفى من اولها

اسكت يا واد واسمع من خالتك بهية الحكاية ديا

كملى يا بهية

فى يوم بعد مكبرت وبقيت بنت متغندرة زى بنات الكفر وماشية فى طريق الغيط وبصيت ولاقيت 3 شباب ماسكين 3 قولل بصراحة مهمنيش هما ليه واقفين فى المكان ده تانى يوم عديت لاقيتهم نفس الشباب ونفس القولل وعدت ايام وكل يوم بعدى بلاقيهم لما زهقت سالتهم لو فيها رخامة انتو كل يوم بتكونو هنا ونفس القولل ونفس الوقفة ونفس النظرة وحبة المية بترموهوم فى اوقات معينة ممكن اعرف انتو مين وايه حكاية القولل...

قالولى القولل رمز من رموز الحياة واللى يحس فى يوم انه مضايق يمسك القولة ويملاها مية ويبصلها من اخرها وهى بتنزل نقطة ورا نقطة ويحط ايده تحت النقط هيحس بشعور البطئ والخوف والانكسار اللى اصلهم اصل اللى ماسك القولة لان ايده خايفة فى اصلها ونقطة ورا نقطة بتزيد الواحد خوف وضعف زى المريض او السجين بالاعدام بيحكمو عليه يجيبولو طشت كبير وفاضى ويشغلو الحنفيه وتنزل نقطة ورا نقطة لحد ميجيلو انهيار عصيى ويموت او زى السجين اللى بيحكمو عليه مينمش ويرشوه بنقط مية.....احنا بقى من ضيقتنا بنمسك القولة ونبصلها ونكب المية علشان منبقاش زى كده ونوصل لحالة هيجان من الخوف والضعف والانسكار..قولتلهم ازاى يعنى ..بقى قولة تشبع راحتكم وتضيع خوفكم لمجرد انكم تكبو ميتها....قالولى اه يا بهية وميحسهاش اللى الانسان المضايق وخايف ووحدانى وفى وقت الغروب والشروق يعمل كده هيلاقى نفسه ارتاحت وارتوت لمجرد حبة مية كبهم...فهمتى يا بهية...
روحت ماشية يا رامى من ادام ال3 شباب وانا مذهولة ومستغربة من حكاية ال3 قولل وازاى ممكن يرو انسان مضايق
وفى يوم حصلت عركة كبيرة حدانا فى البلد ففتكرت ال3 قولل روحت واخدة قولة وفى الغروب ووقفت بصلها كويس وبمسك ميتها اللى تخوف وامسك القولة كلها واكب ميتها كبة ورا كبة واملاها واكبها ودعيت ان العركة تنفض وفى ساعتها لاقيت العركة انفضت واتصالحت العيلتين ففرحت اوى وروحت لدوار العمدة قولتله كله ببركة القولة
العمدة بصلى وضحك قولة ايه يا بهية متلغت من زمان مشوها من هنا شكلها بتخرف وعايزلها شويه مية يفوقوها
فبصتله اوى وضحكت مهى القولة يا حضرت العمدة وهى اللى فضت العركة اسيبك بقى وارجع لقولتى واشكرها


فهمت يا رامى هى ده حكاية القولة اللى ممكن تغير مجرى انسان بطوله وتخليه انسان تانى لما يؤمن ان كل شئ وله اخر حتى الظلم ليه نهاية وحتى الناس المظلومين اللى فى قعر القولة ليهم وقت وهيظهرو ويقولو كلمتهم................. من حكاية واقعية...يابنت الايه يا بهية

راح فين يا واد دنا عندى مجموعة حكاية ولسه بدرى دنا عندى قصة الحمار الشجاع والانسان المهزوم ولا خلاص زهقت وعايز تقوم

لا ابدا يا بهية انتى قعدتك ميزه
هى ده حكاية القولة يا رامى ولا تقولى قصيدة ولا تقولى روايات ولا تقولى بنات ..وفت ازاى خليتك تربع وتنسى اللى فات...بس يا واد


حركت راسى وانا مذهول وببصلها واقول
يبنت اللاعيبة ده حكاية لو اتكتبت رواية هتغير مجرى ناس كتير ولو اتعملت هتقلب كل الموازين ...دنتى طلعتى مفكرة يا بهية انا هرجع وادون كل كلمة كتبتها حتى النظرة فى وقتها واخلى الناس كلها تعرف حكايتى معاكى يا بهية وهسميها قصة بهية والقولل وهرجعلك بكره وتحكيلى القصة التانية وعد منى انا رامى....

ودلوقتى يا حضرات كل كلمة وكل همسة كتبتهلكم واصحو شويه لان اخر سطرين موجها ليكم مش لبهية لانى خدكم من رامى لبهية ل 3 شباب ورجعتكم لبهية تانى والقولل ثم رامى ودلوقتى قصة بهية هى قصة مرويه وانا بكتبهلكم بلسانى انا نورى سليمان الذى كتبت وصممت اول سيرة وهى تعتبر من السير الشعبية......................... طبعا متنذهلوش لان حكاية رامى وبهية هى من تاليفى انا شخصيا لكن حبيت أدون اسمى باسم رامى وكل قصة باسم جديد......................

أتمنى الرواية قد نالت اعجابكم ، وهذا لينك السيرة على موقعى وأتمنى ان تكونو من أعضاء مدونتى
http://norysuleiman.blogspot.com/2012/02/blog-post.html