مين فينا يقدر يتكلم

هذه الكلمات لا تندرج تحت اسلوبى لكنها كلمات
ساخرة من أصحابها ولابد من كتبتها كما هى الان

مين فينا
يقدر يتكلم

مين فينا
يقدر يتنفس

فى عهد
سياسة الاوباش

مصر
اتقيدت بحكم الاوغاد

ومن
غبائنا اترمينا فى عب الاخوان

يا مصر
ليكى الجنة واحنا لينا النار

علشان
افتكرنا انهم بتوع الدين والحياة

لكن طلعو
يدوب حبة اندال

حبة وعود
وحبة دعايا

ودقن
وجلابية...

واكبر
كدبة فى تاريخ مصر

حصلت على
ايد جماعة ضالة الطريق

شعار حكم
الدين فى لسانهم زى اللبانة

لكن فى
الافعال يقولك ده سياسة دولة

نيجى
نعاتبهم يقولولك حبة عيال وحبة كفار

شويه
وهيزهقو وكعوب رجليهم تمل من الانتظار

ويتنحو
ويبلمو فى اقرب مصيبة تواجهم

ويقولولك
ده سياسة العهد السابق

وملناش يد
فيها.....

ولو جينا
نتكلم يقولولك ..انت ازاى تتكلم

حرام
تتكلم فى والى الدولة

واطيعو
الله واطيعو الرسول واولى الامر منكم

هتعترض
على كلام الله

تبقى عاصى
..عيب

الوالى او
الحاكم زى النبى

حرام
تهينو.....ازاى... ده من المبشرين بالجنة

الشيطان
بيخاف منه........

ولو
اتكلمت تبقى من انصار الشيطان

ازاى وليه
اتكلم وانا فى بلدى متكتف

ازاى وليه
احكم بلدى

وانا
اخترت بايدى نهاية بلدى

وحطين على
رقبتى ورقبتها سكينة تلمة

يا خسارة
على الثورة اللى كانت

ضاعت
واحنا اللى ضيعناها

.....

حتى لو
همسنا مع نفسنا يقولولك انت كافر

حرام
تتكلم مع نفسك

كده
معناها انك متبع الشيطان

يا اخى(
...... ) على هذا الكلام

ده
الشيطان زهق منكم من كتر متبليتو عليه

اى حد
تقولو عليه ده شيطان

ده الراجل
زهق واعتزل قار الوسوسة

لما
لاقاكو بتنافسوه فى رزقه

فى مؤتمر
خايب واهبل

حبيتو
تورلنا انكم جماعة مية مية

وجمعتو
القوى السياسية

قال ايه
يا حبايبى بتناقشو ازمة المية

لا
والادهش انكم بتذيعو على الهوا

واحد
يقولك نغير مصدر الكهربة ويبقى من عندهم

والتانى
يقولك نعمل خطة عسكرية وهمية

والتالت
يطلع يقولك هو كلامنا متذاع

والريس
قاعد وسطهم زى الحمار

مبلم
وحاطط ايدو على كفو وباصص بعين

نعسانة
كلها عماص .....

وبيجارى
الجو كأنو فاهم كل الحوارات

وهو كان
سارح فى جملة القصاص

ازاى وليه
حبة شباب يعملو حملة زى تمرد

وبيفكر
يكبر حملة تجرد...

اما انت
فعلا ريس بهلوان

دماغك
دهاليز وكلها حوارى وشخاليل

ياسلام
عليك لو شربت حبة حشيش

تبقى عال
العال وتعمل احلى حوار

ولا اقولك
...

كلامى كان
مجرد هزار.....

ولا اقولك
انا هخسر ايه

دنا انسان

ليا عقل
وروح وكيان

واسمى
مصرى

ولازم
اكون مصرى

رافع راسى
فوق السحاب

ومش هستنى
واحد زيك

يجى يقولى
مشروع نهضة

وكلام
أوهام...

ياخى احا
على الاغبية اللى جابت واحد زيك

...اه
صحيح يا ريس

ايه حكاية
وزير الاعلام المعتوه ده

يجى يقولك
متيجى اقولك فين

بذمة اهلك
مش مكسوف يا ريس

اما ده
طريقة وزير الاعلام

تبقى
طريقة البلطجى ايه

لا وكمان
ايه حكاية ابلة باكينام

ياختى
ياختى

نسيت
الكاميرا مفتوحة وبتذيع الحوار الوطنى

يا جمالها

ما ابدعها

ما صورها

ده طلعت
عاملة دماغ قبل الحوار

قالت تجرب
الكاميرا تشوفها شغالة ولالا

وقالت
لازم اجرب البث المباشر

يمكن يكون
الارسال عطلان

وايجار
الكاميرا يروح عليا

قامت
عاملة بث مباشر

ولبست مصر
فى ازمة دولية

اشكرى يا
عدلات

اشكرى
ياللى مش غرمانة

ولا الاخ
المحترم وزير الثقافة

يقولك فى
عناصر فاسد فى الاوبار

ولازم
نطهروا

فالخبر
اتسرب فواجهوه قال ده اشاعات

تانى يوم
سمعنا خبر الاطاحة برئيسة الاوبرا

هييييه

حلو
المفاجاة ده شعب

لا وكمان
المناصرين ليه شويه بدقون

مطبعا
لازم يكونو بدقون..

وطلع واحد
منهم يقولك البالية حرام

والاغانى
من الشيطان

ونجيب
محفوظ ده واحد كافر ومجنون

يا سلام

يدخل
دماغى انا بقى الكلام ده

البس يا
شعب علشان خارجين

خدنا
العدية من عمو مرسى وهنتفسح فى النيل

يوووه
نسيت اصل النيل شح ومبقاش فية مية

اروح اركب
مراجيح ...يوووه

مفيش
كهربة

مفيش مشكة
اروح على الكورنيش اشم هوا

يووووه
مفيش هوا وحرمو المشى عليه

مفيش
مشكلة اروح اقعد فى كافيه اشرب قهوة

دخلت
وقعدت وطلبت قهوة

قالولى
مفيش غاز

ياخى (.... ) امال اعمل ايه بس

روحت
لمرسى اديتو العدية

وقولتلو
انا اسف وده بلدك وانا هركعلك

قامو حبة
الدقون قايلين

شوفتم..مرسى
بقى نبى

هى ده خطة
خطة النهضة

وان الوحى
نزل وقالو انه هيبقى نبى

وده
العلامة اللى اتنبئنا بيها

....

رجعت
منطقتى والحوارى

دخلت شقتى
واودتى

وقعد اعيط

وقولت
فينك يا مصر

فينك يا
بلدى

يا خسارة

ضيعتى ومش
هعرف ارجعك

باختيارى
دبحتك وجبتلك معتوه

وباصرارى سيحت
دمك بسكينة تلمة

وانا اللى
قاعد ببكى عليكى

مين فينا
يقدر يتكلم

مين فينا
يقدر يتنفس

فى عهد
سياسة الاوباش

مصر
اتقيدت بحكم الاوغاد

ومن
غبائنا اترمينا فى عب الاخوان

يا مصر
ليكى الجنة واحنا لينا النار