حلوى معمولة بالقوفريط ... جد لذيذة .. من مطبخي

السلام عليكم
وصفة أخرى عملتها من حلويات العيد هذه السنة
الله يدخله علينا بالصحة والعافية
خرجت تهبل كانت فكرة أمي الله يحفظها ويخليها لي
قاطـــــو بالقوفريـــــــط
-------------------
المقادير :
250 غ زبدة
1 بيض
قرصة ملح
ملعقة سكر
ماء زهر
دقيق
-------------------
طريقة التحضير :
ذوبي الزبدة وبنفس العلبة كيلي 3 فرينة وبسيها مليح
زيدي حبة بيض مخفوقة + قرصة ملح + مغرف سكر
زيدي ماء زهر بقدر ما تتلمد العجينة
خليها في كيس ترتاح 10 دقائق
من بعد روليها وحطيها في قوالب مربعات صغيرة كيما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

ودخليها للفرن وما تخليهاش تاخذ لون بني فاقع يعني طيبيها مثل ما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

-------------------
الحشوة :
قابصة قوفريط ارحيه + مربى مشمش + عسل
حتى تتماسك أنظري للصورة

[ندعوك للتسجيل في المنتدى أو التعريف بنفسك لمعاينة هذه الصورة]

حطي الحشوة في كلتا الجانبين وأغلقي يعني لازم تكون محشية مليح مثل ما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

-------------------
التزيين :
والآن غطسيها كامل في شيكولاطا سوداء النوعية وخليها تنشف على شبكة هكذا

[ندعوك للتسجيل في المنتدى أو التعريف بنفسك لمعاينة هذه الصورة]

-------------------
الشكل النهائي :
وأخيرا زينيها كيما تحبي أنا صنعت أزهار صغيرة بأوراقها وخرجت كيما في الصورة :

[ندعوك للتسجيل في المنتدى أو التعريف بنفسك لمعاينة هذه الصورة]

أتمنى تجربوها وتعطوني رأيكم
صحة فطوركم
عيدكم مبارك وكل عام وأنتم بألف خير
وما تنشوس الردود

شكلها حلوة جدا
تسلم ايدك حياتي
والله فتحتىلي نفسي رغم اني باعمل ريجيم
لكن علشان خاطرك هاجرب واعملها لأن شكلها يشهي كثير