* مـــــــولاتــــــــــي جـــــــمــــيــلـــة *
مرحبا بك عضوا جديدا في منتدانا المتميز " منتدى مولاتي جميلة "
ونرجو أن تستفيد وتسعد بإقامتك معنا ، وأن تكون عضوا فعالا



* مـــــــولاتــــــــــي جـــــــمــــيــلـــة *


 
الرئيسيةالبوابةاليوميةس .و .جبحـثالمجموعاتالتسجيلدخول
طاقم منتدى مولاتي جميلة يرحب بكل الأعضاء الجدد ويتمنى لهم إقامة طيبة معنا
  
 موسوعة ادعية متحركة .............حصرى جدا     
أعزائي الأعضاء يمكنكم دعوة أصدقائكم عبر الفيسبوك للالتحاق بنا والرقي بالمنتدى
يمكنكم التواصل معنا عبر صفحتنا بالفيس بوك http://www.facebook.com/mawlati.djamila?ref=tn_tnmn
موسوعة ادعية متحركة .............حصرى جدا
 


المنتدى بحاجة الى مشرفين ، فلا تتردوا في تقديم المساعدة لمنتداكم ، ولتقديم رغباتكم  على ايميل المنتدى sciencesjuridiques@gmail.com
لمن فقد كلمة سر الدخول للمنتدى يمكنه طلبها آليا من الرابط : http://mawlatidjamila.keuf.net/profile?mode=sendpassword

شاطر | 
 

 نكت سعودية تجنننننننننننننن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سمر
أعضاء الإدارة
أعضاء الإدارة


آخر مواضيعي :
أربع أخطاء شائعة تؤثر على صحتك - هام جدا جدا جدا
سؤال لم يخطر على بال أحد ؟
حكم معبرة

الجنس الجنس : انثى
العمر العمر : 34
تاريخ التسجيل تاريخ التسجيل : 09/09/2011
عدد المساهمات عدد المساهمات : 456
نقاط النشاط نقاط النشاط : 10240
المزاج المزاج : مجنووونة مواقع وكل شي تركي وهندي
التقييم التقييم : 10
الإشراف الإشراف : - فرد من الأسرة الإدارية
- مشرفة معرض الصور
أوسمة العضو أوسمة العضو : نائبة المديرة العامة
تعاليق :


مُساهمةموضوع: نكت سعودية تجنننننننننننننن   الإثنين أبريل 30, 2012 11:24 pm

محشش نصاب يقول لخوية : مره نفضني الكهرب وطلعت صورتي
بالفاتورة !

شباب بلندن ركبوا باص أبو طابقين .. اللي فوق يدق على اللي تحت يقوله :
كم تمشون ؟ قاله : 80 .. وأنتم ؟ قال اللي فوق :
حنا لا هالحين ماجانا السواق !


محشش راح للدكتور يشتكي انه كل مانام ‏ يحلم بقطاوه يلعبون كوره .
قاله الدكتور : لاتنام يومين .. قال المحشش :
مااقدر لان بكره بيلعبون على النهائي !


محشش يقول لمحشش : انا بردان من المكيف .. رد المحشش قال
: انا محمد من الرياض !


محشش دايم يولع زقارتين ويشربهن سوا .. قاله صديقه : ليش ؟
قال : عني وعن أخوي اللي بالسجن .. وبعدين صار يولع زقارة وحدة
.. قال صديقة : مبروك طلع أخوك .. قال : لا ، أنا بطلت الدخان !

محشش عند باب بيتهم ... مرت الشرطة ... سألوه : انت من أهل البيت ؟
قال : لا .. من كفار قريش !


نتائج سواقة المرأة السعودية للسيارة : نسبة السعودة في محطات البنزين 100% ارتفاع نسبة الفزعات على الطريق ..
تطوع عدد كبير من الشباب للعمل بدل الإشارات ..
انتشار الأدب والذوق بين الشباب إذا قفلت على سيارته بنت !

واحد مسوي فيها دكتور : انقطعت نعاله((ونتم بالكرامه)) .. خيطها ..
وبعد اسبوع .. فك الخياطة !


محشش متأخر عن الدوام .. قومته أمه بسرعة .. لبس بدلة أخوه الضابط
بالغلط .. يوم وصل العمل .. وشاف نفسه .. قال : صدق ان أمي ميب
صاحية .. مقومه أخوي .. تحسبه أنا !


الهيئة يتهاوشون مع سكران .. هم يقولون أركب ورى ..
وهو يقول : لا أنا أبسوق !


محشش يعرب جملة (برنامج كل الرياضة)
بر : صحراء
نامج : القبطان (نامق) اللي يطلع مع عدنان ولينا
كل : أصلها (كلب) وحذفت الباء تقديراً للمجلس
الرياضة : (الرياض) عاصمة المملكة ، (ة) مال أمها داعي !

محشش وأهله قاعدين حول أبوه يبي يموت ،
يوم تقلبت عيونه صارت بيضاء ‎..قال المحشش ‎:
بس وخروا وخروا يبي يرجع ريوس !


محشش يسألونه في مقابله ‎.. هل تحاسب نفسك ؟
قال أحيانا أحاسب وأحيانا قطه !




محشش طاح في حفره حاول يطلع 3 مرات ،
قال‎:هذي آخر مرة إذا ماطلعت بأمشي !

محشش جالس بالمقهى ، قال للجرسون‎:
هات لي واحد قهوه وسط وأثنين هجوم !

محشش قاعد يناظر مباراة ريال مدريد ،
سمع المذيع يقول فاول لصالح رونالدو ‎،
قال ‎: تصدقون توني أدري ان اسمه صالح !

محششين مسلحين ، مسكوا واحد قالو له : انت معنا والا مع ذوليك ؟
قال : لا معكم ، قالوا : حنا ذوليك ، يالكلب !

محشش طلعت له حبه في رأسه .. قال له الدكتور : تحكك ؟ قال : لا أنا
أحكها !


غبي حلق لحيته وشاربه دخل على أصحابه في الاستراحة قال تصدقون ما عرفتكم·


فيه خكري يعزي خكري قال: ماعليش وفاه الوالد قال الثاني لا وش دعوة عادي·


فيه غبي قالوا له وش رايك في الزواج المبكر ...؟قال يعني الساعه كم ·


غبي يغازل وحده : اش اسمك ؟قالت اسماءقال : حركااااااااااات يعني مالك اسم معين


صحفي يسأل خكري : وش احلى شي في العيد؟قال:ياي يهبل كل دقيقة يبوسك واحد·


محشش قالت له امه جعل يومي قبل يومك...قال مافيها كلام·


محشش يسوق السياره قال له ابوه لف يمين !قال ورى ما تلف انت ماتشوفني أسوق!!


محشش اتصل على الخطوط قال كم تستغرق رحلة الدمام _ لندن ؟ قاله لحظه ! قال شكرا·


احول يسوق قاله صاحبه انتبه من العمود قاله ما عليك بدخل من بينهم.


احول سألوه : وش امنيتك بالدنيا ؟ قال: اشوف الواحد يمشي لحاله·


يقولك محشش راح القصيم يوم وصل قرى لوحه مكتوب القصــــــيم تبتهجقال الله يغربلها وين تبي تهج..


غبيه جاها ابوها يبشرها :مبرووووووووووووك جاك اخو قالت: بذمتك يوبى لاتعلم امي خلها مفاجئة.


محشش يسأل خويه المحشش الثاني :مدري : ناصر القصبي وعبد الله السدحان ... اخوان .؟؟؟؟قال خويه : لا .. ما اظن ... مجرد تشابه اسماء بس·


عسيري يدلع مرته قالها كم وزنش؟قالت أربعينقال ياحليلش نفس مقاس نعالي·


محشش سألوه : تتوقع الطيارات اللي بمطار تبوك حربيه ؟قال : لا قحطانيه !!!!!!!!!!


اثنان محششين الاول يقول:تخيل تصحي الصبح تلاقي نفسك ميتالثاني:والله لنهبل ·


عجوز مسويه فاهمه جاء ولدها متاخر قالت جاي متاخر وريحتك بلوت بعد ؟؟


محشش يكتب اسئله اختبار :باص يمشي 80كم/س قطع 100كمفما اسم سائق الباص؟؟


سكران سال محشش قال وش اسم اخوانك ؟؟قال:كلهم محمد الا خالد اسمه فيصل !!!


محششين انقلبو قال السواق شكلنا انقلبنا ؟؟قال الثاني سق وخل عنك الوسوسه !!!


محشش يقول لخويه: قل لي من انت اقول لك من تكون قاله من انت؟؟قال من تكون !!؟


محشش واقف عند بقاله وقال لخويه وش تبي قال اي شي نزل شرى عصير وشرى لخويه قلم!


محشش ضاعت محفظته راح يبلغ الشرطه قالوله ولا يهمك روح البيت و حنا بنطلع المحفظه من تحت الارض وهو رايح شاف بالشارع عمال البلديه يحفرون قال لهم : شدّوا حيلكم يا شباب ترى لون المحفظه بني


بدوي من زود المرجله حاط رنة جواله فناجيل


بدوي مسوي ولد نعمه ساله خويه وين دارس الثانوي؟؟ قال في الشيرتون


محشش قال لحرمته عندنا لبن قالت ايه قال وعندنا زبد قالت ايه وعندنا تمر قالت ايه طيب ليش ماتسوين بيتزا·


يقولك فيه عجوووز دقت بالتلفون قال (ان الرقم الذي طلبته غير صحيح)قالت هها بس عطني امك·


اثنين محششين..واحد منهم يبي يسوي حكيم
قال للثاني: "قلي من صديقك أقولك من أنت؟ "
قال الثاني: "من صديقك؟ "
ردعليه: "من أنت؟"


سوداني شاف أسد قال:عليك الله ما تاكلني قال الأسد:أصلاا الدكتور مانعني من المشاوي


تكرونيه قالت لخويتها اسم صديقي يبدأ بحرف ال(أ) قالت لها:أهمد قالت:لا,أبودي



اثنين محششين قال الاول تتوقع انه فيه شبه بين الحمار والاسد؟ قال الثاني:ايه,,الحمار اذارفس يدور واذا دار سوا دائر ه والدائره تشبه الكوره والكوره مأخوذه من كوريا مثل سوريا وسوريا رئيسها بشار الاسد شفت الشبه !!!


وحده اشترت طابعه من احد المحلات وماتعرّف عليها الجهاز دقت على المحل
وش تتوقعون انها قالت لصاحب المحل؟؟؟
قالت:يا أخي أنا وضعت الطابعة قدام الكمبيوتر 3 ساعات متواصلة ومع ذلك ما تعرّف عليها !!


محشش راح يخطب وحده قالوا له الحين البنت تدرس قال: اوكيه ابرجع بعد ساعه


عجوز مسويه فاهمه جاه ولده متأخرقالت:جاي متأخر وريحتك بلوت بعد


أمير يسوق بخوياه انقلبوا قال الاميرأنا اسف.. قالوا اخوياه لا حنا الي ما ركبنا زين


محشش سال خويه وين أنولدت ؟؟ قال بالمستشفى قاله:ليش كنت مريض


بدوي أشتغل صيدلي جاته وحده قالت له عندك شيء يبيض الوجه ؟؟؟ جاب له
ذبيحه


فيه اسره سعوديه ماتعرف انقليزي وراحت لامريكا
المهم يوم جو لامريكا بيوقفون تاكسي جاء ابوهم[مسوي ابو العريف] رفع ايده وقام ينادي تاكسيشن تاكسيشن
وقف تاكسي وركبوا ثم قال:ودنا المطعميشن ناكل دجاجيشن ورزيشن,,,,,,
المهم وداهم وبعد ماطلعوا من المطعم قاله:ودنا الفندقيشن عشان نناميشن يوم وقف عند الفندق قال صاحب التاكسي:والله لو ماني عربيشن كان اكلتو تبنيشن

اشهر الكلمات السعوديه المضحكه

كلمات عامية ..ومعانيها..

الدلخ : وهذاا إنسان غبي جداااا.ويرفع الضغط ....وينرفز

واكثر من يعااني منه المدرسين ....واهله.


المنسم : ذلك راجع إلى تهريب الهواء من رأسه و السبب

في ذلك هو أن في رأسه فتق لذلك تلقاه دايم يغطس رأسه

في سطل موية عشان يعرف من وين التنسيم .


المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...


الشخر المخر أو أبو مشخر ! :من نفس فصيلة المنسم !


السلنتح : قليل الأدب


جحلط ( بتشديد اللام ) : وهم مرحلة متقدمة للسلنتح


مزّلب : يعني بايعها بتراب !


مسفّح : يعني طاير في العجّة وهو ما عنده ما عندي جدتي
يعني بالعربي الفصيح من جنب العارضة


الصتيمة : وهو الشخص اللي ماعنده ماعند جدة جدتي ...!!
ويصدق أي شيء يقال له .


المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... يعني مجنون


الفاهي : هذا الله يخلف مهما تقول له أو تصارخ عليه
تلقاه فاتح فمه و بس و إذا كلف عمره و تفاعل معك رد عليك و قالك : هه ...


الحقنة :هو الشخص الغثيث اللي ما يفكك لين تعطيه اللي يبيه
منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....


العلــة :هذا اللي ما تأخذ أنت منه أي شيء و لا عنده استعداد
انه يسمع منك مهما حاولت وهو كالمرض يعلك لين تنفقع مرارتك منه......


العــربـجي : يظن معظم الناس أن العربجي هو الشخص الشديد
حق المشاكل و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي
ودايم فاتح صدره و راسه على فوق و كانك ولد أبوك قله شيء بس .


الكحلي : يطلق مسمى الكحلي على ذوي البشرة السمراء
ولأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....


المرجوج :هذا ما عمره صلح شيء صح في حياته
ما يمديك تفتح فمك إلا و طار في العجة بدون ما يفهم وش السالفة والارتجاج الحاصل له
يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .


المطفوق : من فصيلة المرجوج .. إلا أن مايميزه هو انه اذا مر
من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!
أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!


السربوت :هذا اللي ما يخلي مكان ما يروح له
وقد كان الأولين يطلقون لقب السربوت على من يشرب الدخان لكن الحين الله يخلف
الناس تدخن بيديها و رجليها و لحد يقول لهم شيء.


السمرمدي : وهو من نفس فصيلة السربوت.


الداشر : هذا قليل الأدب و لا يحب يماشي إلا السرابيت
وإذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..


الملكع : أما هذا فيعرف حتى السكني (اي الجن )
و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط
فلا تتعب نفسك .


زعّيط :مسوي نفسه يفهم في كل شيء وهو من جنب العارضة.


المصرقع :هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...


المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....


الخكري : ببساطة الخكري = نعومة + دلع الله لايبلانا...



اللزقــه:هذا الشخص اللي على طول معك وقدامك ووراك
وكل شي وتطلع مع الباب تلقاه تركب في السياره تلقاه يطق القزازه وهاكذا.


الزنقّبي : (بتسكين النون وضم القاف ) يعني العزوبي.


الصديع : اي كلمه في راسه يطلعها ولا يتنباء بأفعاله
سواء كانت صح ام خطء .


الجنط : من فصيلت الدلخ.


المريوح: هذا اللي نفسه شينه .


الزااااااحف : إنسان آخذها عرض مبسوط ويبسط من حوله
سريع البديهه ولايفوته شئ..


والخرس: من نوع الكمخه والفاهي يقول إيه وهو مايدري
وش السالفه..


الطبله : باااااااااارد من كثرة الغباء..


الأرفــل : من نوع المطفوق يعني لاتقرب له ولاتخليه
يقرب لشئ وخصوصا الاعمال الدقيقه لأنه ماينفع فيها..


المسلس: هذا المسكت واللي ماتدري وش وراه تشوفه تقول
أتلى الأجاويد وهو وراه بلاوي..


الرجه : مصرقع مايجي بمكان الا ويرجه بصوته على غير سنع..


المسكت : هذا اللي مابعده مسكت بتشديد الكاف..


المهفه : هذا كلمه توديه وكلمه تجيبه


http://2.bp.blogspot.com/-Oibyz3RlCLQ/TfkNIGaumJI/AAAAAAAAAdE/9SbHckBmiIw/s1600/35590+%25281%2529.jpg


.
الرجوع الى أعلى الصفحة اذهب الى الأسفل
عاشقة ملك الرومانسية
عضو مجتهد
عضو مجتهد


آخر مواضيعي :
الاهتمام المشترك بين شاروخان وكاترينا كايف
إلعب لعبة Scrabble أون لاين (اللعبة المفضلة عند shahrukh khan)

الجنس الجنس : انثى
العمر العمر : 31
تاريخ التسجيل تاريخ التسجيل : 18/01/2012
عدد المساهمات عدد المساهمات : 278
نقاط النشاط نقاط النشاط : 9310
المزاج المزاج : سعيدة باشتراكي هنا
التقييم التقييم : 4
الإشراف الإشراف : قسم الأفلام الهندية
منتدى يوتيوب
أوسمة العضو أوسمة العضو : وسام الوفاء
تعاليق :

مُساهمةموضوع: رد: نكت سعودية تجنننننننننننننن   الثلاثاء مايو 01, 2012 9:03 pm

ههههههههههههههههههههههه
والله طفست من الضحك
حلويييييييييييييييييييييين
الله يخلي كل ايامك ابتسامة
مميز جدا
الرجوع الى أعلى الصفحة اذهب الى الأسفل
http://srk4ever.skyrock.com/
مولاتي جميلة
الإدارة العامة
الإدارة العامة


آخر مواضيعي :
بحث حول نظرية الظروف الطارئة في الفقه الاسلامي والتشريعات العربية
بحث حول مبدأ سلطان الإرادة
مصطلحات قانونية باللغة الانجليزية (متجدد)
مفهوم تسيير الموارد البشرية
جميع القوانين الجزائرية و العربية والمراسيم وكل ما يحتاجه رجل القانون من وثائق
ظاهرة الاحتراق الذاتي التلقائي - ظاهرة غريبة تحدث للإنسان
أسئلة امتحانات الكفاءة المهنية للمحاماة

الجنس الجنس : انثى
البلد البلد :
تاريخ التسجيل تاريخ التسجيل : 20/04/2010
عدد المساهمات عدد المساهمات : 1337
نقاط النشاط نقاط النشاط : 14945
المزاج المزاج : الحمد لله
التقييم التقييم : 100
الإشراف الإشراف : قسم الطلبات
قسم الشعر والخواطر

أوسمة العضو أوسمة العضو : صاحبة المنتدى
الموقع الموقع : www.mawlatidjamila.keuf.net
تعاليق :

مُساهمةموضوع: رد: نكت سعودية تجنننننننننننننن   الجمعة يوليو 27, 2012 1:09 am

بالفعل مضحكة شكرا سمووووووووورة
الرجوع الى أعلى الصفحة اذهب الى الأسفل
http://mawlatidjamila.keuf.net
 
نكت سعودية تجنننننننننننننن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
* مـــــــولاتــــــــــي جـــــــمــــيــلـــة * :: منتدى التسلية :: قسم النكت-
انتقل الى: