* مـــــــولاتــــــــــي جـــــــمــــيــلـــة *
مرحبا بك عضوا جديدا في منتدانا المتميز " منتدى مولاتي جميلة "
ونرجو أن تستفيد وتسعد بإقامتك معنا ، وأن تكون عضوا فعالا

السيرة الثانية ( الحمار الشجاع والإنسان المهزوم ) 13110920471261
* مـــــــولاتــــــــــي جـــــــمــــيــلـــة *
مرحبا بك عضوا جديدا في منتدانا المتميز " منتدى مولاتي جميلة "
ونرجو أن تستفيد وتسعد بإقامتك معنا ، وأن تكون عضوا فعالا

السيرة الثانية ( الحمار الشجاع والإنسان المهزوم ) 13110920471261
* مـــــــولاتــــــــــي جـــــــمــــيــلـــة *
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

* مـــــــولاتــــــــــي جـــــــمــــيــلـــة *

منتدى تعليمي وثقافي وترفيهي
 
الرئيسيةالبوابةأحدث الصورالتسجيلدخول
طاقم منتدى مولاتي جميلة يرحب بكل الأعضاء الجدد ويتمنى لهم إقامة طيبة معنا

أعزائي الأعضاء يمكنكم دعوة أصدقائكم عبر الفيسبوك للالتحاق بنا والرقي بالمنتدى
 


المنتدى بحاجة الى مشرفين ، فلا تتردوا في تقديم المساعدة لمنتداكم ، ولتقديم رغباتكم  على ايميل المنتدى sciencesjuridiques@gmail.com
لمن فقد كلمة سر الدخول للمنتدى يمكنه طلبها آليا من الرابط : https://mawlatidjamila.keuf.net/profile?mode=sendpassword
ندعوكم لزيارة الشبكة: https://csrsa.net/

 

 السيرة الثانية ( الحمار الشجاع والإنسان المهزوم )

اذهب الى الأسفل 
كاتب الموضوعرسالة
nuri suleiman
عضو ذو حضور
عضو ذو حضور
nuri suleiman


الجنس الجنس : ذكر
العمر العمر : 31
البلد البلد : السيرة الثانية ( الحمار الشجاع والإنسان المهزوم ) Ye10
تاريخ التسجيل تاريخ التسجيل : 20/04/2013
عدد المساهمات عدد المساهمات : 82
نقاط النشاط نقاط النشاط : 20119
التقييم التقييم : 0
أوسمة العضو أوسمة العضو : وسام الشعر

السيرة الثانية ( الحمار الشجاع والإنسان المهزوم ) Empty
مُساهمةموضوع: السيرة الثانية ( الحمار الشجاع والإنسان المهزوم )   السيرة الثانية ( الحمار الشجاع والإنسان المهزوم ) Emptyالإثنين أبريل 22, 2013 3:18 am

قبل أن أبدأ فى السيرة الثانية أتمنى ان تكونو استمتعتو بالسيرة الأولى.....
وأتمنى دعمكم جميعا بتشجيعكم وانضمامكم لمدونتى المتواضعة
وأكرر ..الرواية هذه تنتمى لأنظمة السير الشعبية وليس لها اسلوب معين.........نورى


اهلا يا خالة
اتأخرت ليه يا واد مش قولتلك متتأخرش ميعادك هو احترامك
ياسلام يا خالة كل يوم بعرف منك حاجة بتعلمها مع انك......

مع انى فلاحة...بس الفلاحة ده واعية وبتفهم ومدركة لاموركم يا عيال

عيال ايه يا خالة احنا فى عصر جديد ومفتوح

ولا مفتوح الا دماغكم الخربانة والمحشية بتنجان وكرات

ههههههههههه انتى دايما كده يا خالة مبخدش منك الا النئوذة والكلام المتغطى..اه صحيح مش قولتيلى هتعملى محشى امال هو فين

ايوة يا اخويا خش فى عبى خش عايز تهرب من الكلام يا واد..طب بعينك انك تمس صباع واحد من محشى بهية

لا والنبى يا خالة ادينى صباع واحد

بعينك يا رامى ..شوف بعينك ولا صوبع واحد

خلاص يا بهية مكنتش كلمة يعنى..خلاص حلفتك بالقولل وحياة الحمار بتاعك اعبال ميترقى ويبقى جحش

امين يارب..يسمع من بقوك ربنا...يشفى الكلاب ويضرك يا رامى

بتقولى حاجة يا خالة

لا ابدا دنا بقول ربنا يهنيك ويعلى كوزك

اه بحسب...طب يا خالة يلا بقى اغرفيلى حبة محشى بس صوخنيين اوى وابدأى فى الحمار الشجاع

ماشى .....خد طبقك اهو...اسمع بقى وركز معايا

معاكى يا خالة خشى بالحمار عليا بس ياواش ياواش لحسن الاقيه جحش ويعور....ههههههههههههه

يتتريق يا روح............

اللللللللللله ايه خالة مالك وشك قلب بقى معيزى كده ليه..يلا بقى يا خالة انا بضحك معاكى.....

ماشى بس وحياة......انت فاهم طبعا بعد القصة لهمسكك مسكة بهية وانت عارف مسكتى فى منطقة زبالة ومتنساش يا حيلة امك انى انا اللى مطهراك..ههههههههههههههههههههههههههه

ماشى يا خالة خالصين..احكى بقى

اسمع يا سيدى

ها..

فى يوم من الايام من عصور المماليك ...كان فى راجل جدع من افشر فشارين الجيرة كلها .... وكان بيفشر الفشر لدرجة انه بيصدق فشره وكان عنده حمار جدع جدعنه وفرس فرسنة تقولش انسان

هنبتديها اهو من اولها ايه يا خالة انتى هتفشرى عليا زى الحكاية والنبى بلاش خالتى اللتاتة والنبى... كفاية انا لسه شايف فيلم طير انت... خد لت لما عجنته وعملته فطير

بس ياواد اسمع خالتك اللتاتة قصدى بهية...بعدين الراجل ده كانت حكايته حكاية وليها قصة ورواية فى يوم دخل سوق الخضار ونصب نصبته على بياع سريح واداله حمولة بايظة واختفى كالعادة وكل يوم يعدى فى سوق شكل ويعمل نفس النصباية وفضل كده على طول وكبر فى السوق وبقى عنده محلات ومخازن وبقى ليه سلطة عند الوالى ومشيت الايام وجت الايام..ومشيت ايه يا واد

الايام

وجت ايه


الايام ياخالة كملى بقى

طب ياسيدى احنا وقفنا لحد فين
روحى يا ايام وتعالى يا ايام
اه روحى يا ايه

وحياة ضفايرك اللى معندكيش غيرهم بلاش... خالتى اللتاتة خلينى استمتع بطعم المحشى والقصة

ماشى يا واد..المهم كبر الراجل ده وعمل اسطبل كبير اوى وخلى فيه الحمار ده ومعاه حبة حصنة وفى يوم من الايام من كترة سلطات الراجل ده اتنمرد على كل واحد ساعده فى البلد ده...... ده غير انه ناسب بنت الوالى علشان السلطة ويقرب منه ويملك البلد كلها وكان طلبهم الوحيد فى الجوازة انه يمشى الحمار ده من اصطبله....وافق الراجل على طول من غير كلام ومشاه ووداه عند راجل غلبان فى سوق الحمير....والراجل ده كان معين مدير اعمالة راجل من الطبقة الغلبانة والفقيرة لان وجهة نظره ان عمر الغلبان ده مهيبص فى فلوسه وهيخدمه بإخلاص وجت الايام وكانت فى صفقة سمك كبيرة اوى فانتهز مدير اعماله وبعت قراصنة بحرية واستولو عليها فى نص الطريق وده كانت اكبر حملة فى تجارة السمك وكان حاطط نص ثروته وعدتت ايام وشهور والحكاية اتنست... راح ايه..مدير اعماله حرق مخازنه ومحلاته وبضاعته اللى بالنص التانى وخلاه على الحديدة ...طبعا الوالى معجبهوش الوضع وان الراجل ده بقى مش من مقامه وبقى فقير دقة فأمره بالطلاق وفعلا تم الطلاق وكل ده حصل من مدير اعماله لان مدير اعماله ابوه اتأذى من الراجل ده زمان اللى هو ايه بياع سريح من البياعين وموته بحصرته.....المهم رجع الراجل ده السوق من تانى بس ايه بقى مكسور ومخذول خالص وافتكر حماره الوفى اللى كان بيستحمل رذالته فدور عليه وملقهوش.....وانتهى بيه الحال انه بقى ينام على الرصيف وبقى فقير معدم ومش لاقى شغل لانه كان ظالم ومفترى خالص وكان حتى يعاير حد يشتغل عنده...لحد مفى يوم تجار السوق اتراذله عليه وحبو ينتقمو منه ومن عمايله السودة وظلمه اللى شافوه طول ال10 سنين...وبالصدفة كان حماره معدى مع العربجى بتاعه وشاف صاحبة وحبيب عمره بيضرب راح رافس العربية وجرى بالعربجى جامد واستغرب العربجى وقعد يضربه جامد وقعد يرفس جامد لحد مخلع نفسه من العربية وجرى طوالى وراح لسوق الحمير وبلغ جميع الحمير اصحابه وجريو طوالى لمكان الخناقة وجم وحصرو المكان وفضلو يرفسو جامد ويضربو فى الناس والكل مستغرب الحمير جرالها ايه....الناس حاولت تضرب الحمير وعربجيتهم جم وراهم لانهم معرفوش يلجمو حميرهم وضربو العربجية هما كمان مع الناس...ووسعو حوالين الراجل وشاله حماره وحبيب عمره وجرى بيه وفتح الراجل عينيه لقى نفسه وسط الحمير وادامه حماره وحبيب عمره وحضنه جامد واستسمحو ورجع للناس تانى هو وحماره واعتذرلهم عن كل اللى عملو معاهم وظلمه وباسلوبه الجميل سامحوه وشغلوه واجتهد وشقى وتعب وعمل محلات كبيرة تانى بس بالحلال وبقى بيعطف على اى غلبان ويشغله ويساعده علشان الفقير ميتحولش يبقى ظالم نتيجة الفقر.............ايه رايك بقى يا واد فى خالتك بهية


يا بنت الايه لا بجد انتى مشكلة قصة حلوة اوى يا بهية...وفيها موعظة جامدة جدا وفيها اكتر من قضية..لا دنتى تستحقى يعملولك ميدان بس نبعد عن التحرير علشان المظاهرات.....

واخبار المحشى ايه

لا المحشى لا يعلى عليه..محشى بهية تكله من هنا ويحصلك انسجام من هنا
محشى بهية لازم يدرس فى الجامعات ...
بجد يا بهية طلعتى واثبتيلى انك فعلا انسانة بجد....

احرجتنى ..كسفتنى يا رامى

مالك يا بهية بتمدى ايدك ليا كده ليه..لا انا مبقولكيش تعالى نجوز مش للدرجاتى يا بهية

هههههههههههههههه فقرى من يومك ماشى يا رامى

استاذن بقى انا يا بهية..اه صحيح هتحضرلنا اكل ايه بكره

بكره عملالك فتة كوراع بس ايه بالخل والتوم عجب... بالبهاريز وهتلاقى معاهم قصة جديدة جامدة جدى

جامدة ايه

جامدة جدى..خليك اسبور يابو الرماريم

حتى بهية طلعت بهية سبور للاسف....طب والقصة ده اسمها ايه

القصة..القصة اسمها مفاجأة بكره هتعرف خلاص

خلاص يا بهية............سلام

رامى بقولك لما تروح ابقى غطى نفسك بملايه علشان ريحة الكرنب بس.ههههههههههههههههههههه

ههههههههههههه ماشى يا بهية مردودالك بكره...سلام.........................


أتمنى أن تكونو استمتعتو بالسيرة الثانية.... وهذا لينك السيرة
http://norysuleiman.blogspot.com/2012/02/blog-post_12.html
الرجوع الى أعلى الصفحة اذهب الى الأسفل
http://norysuleiman.blogspot.com
 
السيرة الثانية ( الحمار الشجاع والإنسان المهزوم )
الرجوع الى أعلى الصفحة 
صفحة 1 من اصل 1
 مواضيع مماثلة
-
» السيرة المحمدية
» السيرة الأولى ( بهية والقولل )
» الأغنية الثانية من الفيلم الجديد jab tak hai jaan
» السيرة الثالثة ( نحربو ونخربو ونبراوى )
» الحلقة الثانية من البرنامج MNIK cast with Rajeev- with arabic subtitle part2

صلاحيات هذا المنتدى:لاتستطيع الرد على المواضيع في هذا المنتدى
* مـــــــولاتــــــــــي جـــــــمــــيــلـــة * :: منتدى المواهب :: قسم القصص القصيرة-
انتقل الى: